هل سالت نفسك قبل كده ايه هي استايلات الديكور الموجوده ؟
كلنا لحظه اختيار ديكور الشقة بنفكر مودرن او كلاسيك لكن في الحقيقه في ستايلات تانيه كتير جدا زي الديكور النمطي والانتقالي طب انت عارف ايه الفرق بينهم ؟
ممكن تكون محتاج تغير ستايل للديكور في بيتك لكنك مش هتعرف بالتحديد هتعمل ايه عشان كده هنتعرف في مواضيعنا الجاية عن كل استايلات الديكور الموجوده وايه المناسب لينا.
ستايل الديكور الانتقالي
تعالوا نبدا بواحد من اشهر ستايلات التصميم في العصر الحالي وهو النمط الانتقالي وهو اللي نقدر نقول عليه خير الامور الوسط وده مناسب بالنسبه لك في حاله ان النمط التقليدي زحمه ومتعب، ولكن الديكور العصري مش مريح.
هنا بيجي دور النمط الانتقالي وهو عباره عن مزج للكلاسيك و المودرن ومن ملامح النمط ده انه بيقلل الاكسسوارات الى الحد الادنى واللي من ضمنها المخدات اللي على الارض والسجاد وتقدر تستخدم الربط فيه بين الاثاث والاقمشه والمفروشات
يعتبر السر وراء جمال النمط الانتقالي في الديكور هو المزج بين القديم و الحديث لذلك هتلاقي من علامات الاستايل ده الفرش المنحنى بخامات مختلفه وجديده زي الخشب باللون الطبيعي والبامبو والاستانلس ستيل ده لان المزج بين نمطين مختلفين عن بعض بيعطي جو من الاثاره والاختلاف.
ستايل الديكور المودرن أو الحديث .
طبعا ده اول نمط بيجي في بالنا اول ما نفكر نعمل البيت مودرن او كلاسيك وعشان تعرف ايه هو المودرن لازم الاول نفرق بين المودرن والعصري صحيح ان في بينهم تشابهات كتير لكن المودرن له علامات مميزه جداالمودرن بدا في فتره الوسطى من القرن العشرين كان مزج ما بين الاسكندنافي والحديث و في منتصف القرن وما بعد الحديث كل المزيج ده اخرج لنا مفهوم المودرن الموجود النهارده
ومن اهم ملامح ستايل الديكور المودرن الاثاث بخطوط ناعمه وسطح املس وهنلاحظ انتشار الاثاث المعدني زي الاستانلس ستيل وغيره مع وجودالزجاج ومن مميزات الستايل المودرن البساطه والهدوء عشان كده هنلاقيه بسيط بدون زحمه ولا حاجات ملهاش قيمه مع استخدام الفن كعنصر اساسي من عناصر الديكور وده بنلاقيه موجود في مول تراك للاثاث
مول تراك للاثاث
كمان من ضمن ما يميز الاستايل المودرن ان الاثاث والفرش بالوان محايده وهاديه مع وجود بعض القطع بالوان مميزه ظاهره لكسر حده الالوان المحايده
One thought on “مودرن أو كلاسيك تفتكر دي انماط الديكور الوحيدة الموجودة ؟”