لو لسه بتشطبى شقتك ..
خلى بالك كويس جدا من الحاجات دى.. لو عملتيها هتفرق معاكى جامد جدا..
لو هتعملى بيت جبس للستارة لازم السقوط بتاعه لا يقل عن ١٥سم والعمق يكون من ١٨ الى ٢٥سم
ومينفعش يكون على قد مساحه الشباك بالظبط اقل حاجه نزود نص متر شمال ويمين، والافضل يكون بطول الحيطان
لو الشبابيك ألومنتال لازم ستارة بلاك اوت تتركب قبل الستائر الاساسية
لازم تسيبي مساحة للتكييف لو هو فوق شباك سواء شمال او يمين،عشان تقدري تعملي ستارة شيك .
بلاش فكرة المطبخ الامريكي لو مساحة شقتك صغيرة، ولو خلاص وقعتي في الفخ يبقا لازم ستارة شيك تقيلة عليه .
توحيد لون حيطان المنزل، راحة اكبر في اختيار الفرش والستائر ومساحة اكبر للديكور واختيار السجاد.
لو سجاد الريسبشن فاتح وسيراميك الارضيات مط هيكونوا متعبين جدا في التنضيف.
لو السقف عندك ارتفاعه عالى زياده عن 280سم يبقا تاخدى بالك ان الستاره التل يكون طولها مش اقل من 285لى 3متر لأن ارتفاع الستائر معظمها حاليا 270
لو هتنجدى ركنه يبقا تختاري قماش ركنة متناسق وخامتة الافضل شانيل أو الكتان الوتربروف بعدهم الجلد المقلوب بس الاصلى .
بنختار لون الستارة ماتشنج مع لون السجاد مش تبع لون الدهان ابعدى عن لون الدهان لو لون شقتك مش موحد .
لو الريسبشن عندك مفتوح على بعضه و مساحته صغيره تحاولى السجاد والستاير تكون سادة مع توزيع درجات الالوان
